AZ
RU
Utanıb yerini bucaq bilirsən
Arzunun, istəyin bitdiyi yerdə;
Kiməsə gərəksiz " qocalıq" durur.
Düşünub arasan xəyalən onu,
Cavanlıq xisləti " xocalıq" durur!*****
Özünü bir anlıq güclü sanarsan,
Vuraram, yıxaram ölü deyiləm.
Bəzəndə cavan tək sinə qabardıb,
Deyərsən: özüməm, çölü deyiləm...
*****
Sən qaba hərəkət gördüyün zaman,
O zaman deyərsən kimə gərəyəm.
Boylanıb arxana döndüyün zaman,
Bölünsən deyərsən, neçə kərəyəm...
*****
Hökm edə bilmirsən, oğula, qıza,
Özünü elə bil uzaq bilirsən!
Dönürsən istidə əriyən buza,
Utanıb yerini bucaq bilirsən...
*****
Bir sözlə qocalıq belə düşünsək:-
İnsanı niyə bəs abırdan salar?
Ölməmiş "qoca"lar yerini bilər,
Torpağın altında qəbirdə sanar...
*****
Qocalıb bilərsən qocalıq nədir,
Keçmişi düşünüb fikrə dalarsan.
Nisbəti taparsan " xoca" lıq nədir,
İçinə qor düşər odsuz yanarsan!...
*****
Qiymətin bilmirik ata, ananın,
Anlayıb bilirik "biz" qocalanda.
Bəzəndə ağladıb cana yananı,
Yerini görərsən, boşda qalanda...
Təranə Şəms. 8.12.2022
