Hadisənin təfərrüatı açıqlanmır

Xeberinfo.com: Şəki şəhər icra hakimiyyətinin Elnur adlı əməkdaşı şəxsi avtomobili ilə rayonun Baş Zəyzid kəndində ağır qəza törədib. Hadisə nəticəsində ağır yaralanan şəxs hazırda Şəki Rayon Mərkəzi Xəstəxanasında həkim nəzarətindədir. Həkimlər onun vəziyyətini orta-ağır kimi qiymətləndirirlər. Hadisə ilə bağlı xeberinfo.com-a danışan rayon sakini hadisənin həftənin şənbə günü (iyunun 4-də) baş verdiyini və hadisə zamanı Elnurun avtomobilində tək olmadığını bildirdi. Onunla birlikdə avtomobildə rəfiqəsi də olub... Maraqlıdır ki, bu olayla bağlı heç bir tərəfdən heç bir məlumat almaq mümkün olmur(?) Həm Şəki Şəhər İcra Hakimiyyətindən, həm də Şəki Şəhər Polis idarəsindən hadisədən xəbərsiz olduqlarını bildirdilər.  

 Aldığımız yeni məlumata görə, hadisəni törədən Şəki Şəhər İcra Hakimiyyətinin istehsal və xidmət sahələri sektorunda aparıcı məsləhətçi vəzifəsində işləyən Məmmədov Elnur Zümrüd oğludur. Hadisə zamanı Elnur Məmmədovun yanındakı şəxsin isə Səki rayon sakini Aysel adlı xanım olduğu bildirilir...

Elnur Məmmdəovla telefon əlaqəmizdə məlumatın doğruluğunu etiraf etsə də, hadisə zamanı heç kəsin olmadığını bildirdi.

Hadisə ilə bağlı araşdırmamız davam edəcək.    

Akif