Necə olur, YAP-ın ortabab funksioneri, mərhum deputat “ana müxalifət”i maliyyələşdirə bilir, qaynını mətbu orqanında redaktor etdirə, “Jurnalistlər evi”ndən mənzil verdirə bilir, amma PA rəhbərinin qaynı adi bir işdə iş görə bilməz?

Bu sətirlər jurnalist, DİN-in 1-ci dərəcəli Qarabağ qazisi Məğrur Bədəlsoyun Yenixeber.org-a ünvanladığı yazıda yer alır...

Ha istəyirsən, demokratik hərəkatı, milli dəyərləri cibinə uyğunlaşdıranlara fikir verməyəsən, olmur ki olmur! Dünən YAP-ın ən yuxarısından tutmuş, ən ortababına kimi aylıq-illik maliyyə alan birisi bu gün müqəddəs zahid donuna girib. Guya YAP-ın yaradıcılarından biri, özünün dediyi kimi, elə yaradıcısı ƏƏSM nazirindən aylıq 1000 dollar haqq alan, ayların birində bu haqqı gətirənin 200 dolları çırpışdırdığını bilib, onu işdən qovan bu “mələksima” olmayıb. Bəs adi bir “cəbhə konfransını” işıqlandırmağa görə 5-10 “şirvan” qamarlamağa nə deyirsiniz? İndi “qamarbazlar” tərtəmiz olub.

PA-nın keçmiş rəhbərinin haqlı qınağına yer verməyənlər indiki rəhbərin qohumlarını “yoxlayır”. Bəyəm PA rəhbərinin qohumunun hansısa görəvdə işləməsi suç sayılır? Necə olur, YAP-ın ortabab funksioneri, mərhum deputat “ana müxalifət”i maliyyələşdirə bilir, qaynını mətbu orqanında redaktor etdirə, “Jurnalistlər evi”ndən mənzil verdirə bilir, amma PA rəhbərinin qaynı adi bir işdə iş görə bilməz?

DİN rəhbərliyi haqqında “cümlə xəyanətlərə bais” obrazının yaradılması da qərəzdən, qıraqdan sifarişdən qaynaqlanır və qələmin müqəddəs görəvinə ləkə yaxmaqdır. Hansısa polis, xırda görəv yiyəsi hansısa qələti edibsə, özü də məsuliyyət daşıyır. Hansı əsasla, hansı qarayaxma ilə rəhbərliyə şər-böhtan atılır? Bu qarayaxma məntiqi ilə belə anlaşılır ki, YAP-dan maliyyəni, aylıq haqqı, mətbu orqandakı “yanlışlıq” haqqı”nı elə müxalif sədr alır? Bəs “şəxsi intim” məsələsi necə? Ona da partiya sədri “itələmişdi” “müqəddəs” ikiliyi?

Hələlik bu qədər yetər. Kim bilməsə də, bu sətirlərin yazarı belə qarayaxmaların “babat” sifarişdən qaynaqlandığını yaxşı bilir. Qarayaxma sürdükcə arqumentli, fakta söykənən cavablar da olacaq.