AZ
RU
“ANZ Banking Group”: Neft daha da ucuzlaşa bilər
Xeberinfo.com: “Australia and New Zealand Banking Group” (ANZ) neftin qiymətinin ən aşağı səviyyəsi ilə bağlı proqnoz verməkdə çətinlik çəkdiyini, İrana qarşı sanksiyaların ləğv edilməsinin qiymətlərin ucuzlaşmasına təzyiq göstərməyə davam etdiyini açıqlayıb.
Məlumata görə , “ANZ”nin hesabatında xam neftdə qısa müddətli qiymət dəyişkənliyinin indiyədək ən yüksək səviyyədə olduğu bildirilir: “İranın ixracının həcmi və ABŞ-ın istehsalındakı geriləmə ilə bağlı daha dəqiq məlumatlar əldə olunmayanadək qiymətlər ucuzlaşmaqda davam edəcək”.
Qeyd edək ki, bu gün səhər saatlarında neftin qiymətlərinin 32 dollaradək bahalaşmasına baxmayaraq hazırda Londonun İCE birjasında “Brent”in barreli 31,15 dollara geriləyib. “Layt” markalı neftin bir barreli isə Nyu-Yorkun NYMEX birjasında 30,97 dollara satılır.
(5).jpeg)
