AZ
RU
Neft Fondu daha 1 milyard dollar itirdi
Dövlət Neft Fondunun icraçı direktoru Azadlıq Radiosuna müsahibə verib.
Xeberinfo.com: Müsahibəsində o bildirib ki, hazırda 10 dekabr 2015-ci il tarixə Neft Fondunun yığım səviyyəsi 27%, yaxud 33.8 milyard dollardır.
İqtisadçı Rövşən Ağayev isə icraçı direktorun açıqladığı rəqəmlə əvvəlki məlumatları tutuşduraraq, üzə çıxarıb ki, Neft Fondu son 2 ayda 1 milyard, ilin əvvəlindən isə 2.4 milyard dollar vəsait itirib.
“Neft Fondunun ehtiyatları son 2 ayda yenidən 1 milyard dollara qədər azalıb. Bu faktı Fondun icraçı direktoru Şahmar Mövsümovun bu gün mediaya verdiyi açıqlama təsdiq edir. O bildirib ki, 10 dekabr 2015-ci il tarixə Fondun ümumi yığım səviyyəsi 33.8 milyard dollar olub.
Halbuki bu il oktyabrın 1-nə ehtiyatlar 34.738 milyard dollar olmuşdu. 2015-c il yanvarın 1-nə isə ümumi yığım 37.1 milyard dollar olmuşdu. Göründüyü kimi, hələ ilin bitməsinə 20 gün qalmış 2.4 milyard dollara yaxın ərimə var”, – deyə R.Ağayev feysbuk səhifəsində yazır.
.jpg)
