Prezidentin İşlər İdarəsinin tabeliyində olan “Azərbaycan Nəşriyyatı” MMC 2022-ci ili 29,921 milyon manat mənfəətlə başa vurub.

Yenixeber.org:  Bu, 2021-ci illə müqayisədə 26,7 dəfə çoxdur.

Ötən il “Azərbaycan Nəşriyyatı”nın gəlirləri 37,084 milyon manat (əvvəlki ilə nisbətən 7,5 dəfə çox), xərcləri isə 7,163 milyon manat (88,4 % çox) təşkil edib.

Bu il yanvarın 1-nə “Azərbaycan Nəşriyyatı”nın aktivləri 34,853 milyon manat olub ki, bu da illik müqayisədə 6,9 dəfə çoxdur. Hesabat dövründə qurumun öhdəlikləri 8 % azalaraq 1,050 milyon manata düşüb, balans kapitalı isə 8,7 dəfə artaraq 33,803 milyon manata çatıb.

Xatırladaq ki, Nazirlər Kabineti 2022-ci ilin yanvarın 15-də “Vahid büdcə təsnifatının təsdiq edilməsi barədə” 11 oktyabr 2018-ci il tarixli qərarında dəyişiklik edib. Bununla bağlı Baş Nazir Əli Əsədovun imzaladığı qərara əsasən, “Azərbaycan” Nəşriyyatının təşkilati-hüquqi forması dəyişdirilib, nəşriyyat kommersiya qurumuna çevrilib və 4,079 milyon manat nizamnamə kapitalı ilə dövlət qeydiyyatına alınıb.