AZ
RU
Dünya bazarında neftin qiyməti yenidən qalxıb
"Xeberinfo.com": Məlumata görə, Nyu-York birjasında keçirilən elektron ticarət əməliyyatlarının gedişində WTI neftinin qiyməti 1 barelə görə 0,49 dollar bahalaşaraq 61,24 dollar təşkil edib.
ICE London qitələrarası birjasında Brent markalı neftin 1 barelinin dəyəri 0,31 dollar bahalaşaraq 67,17 dollar olub.
Wall Street Journal-ın OPEC tərəfindən hazırlandığını iddia etdiyi bir hesabata əsaslanaraq verdiyi xəbərdə, OPEC-in neft qiymətinin ən azı 2025-ci ilə qədər psixoloji baxımdan əhəmiyyətli olan 100 dolar sərhədinin altında qalmağa davam edəcəyini proqnozlaşdırdığını bildirmişdi.
OPEC verdiyi yazılı açıqlamada, “OPEK-in Baş katibi, WSJ-nin xəbərində yer alan məlumatın heç bir əsasının olmadığını vurğulamaq istəyir. Bu hesabat sadəcə bir sıra dəqiq olmayan rəqəmlərdən ibarətdir, eyni zamanda bu cür rəqəmlər OPEC Katibliyi tərəfindən hazırlanan hər hansı bir proqramda da yer almır” ifadələrinə yer verib.
(5).jpeg)
