AZ
RU
Rəsul Çunayev idman zalı açır- FOTOLAR
Yenixeber.org: Yunan-Roma güləşi üzrə Olimpiya mükafatçımız, dünya və Avropa çempionumuz Rəsul Çunayev idman zalı açmağa qərar verib.
İdman zalı Bakıda olacaq və “Go Fitness” adı ilə fəaliyyət göstərəcək. Zal martın 4-dən etibarən fəaliyyətə başlayacaq. Bundan bir həftə sonra isə rəsmi açılış mərasimi planlaşdırılıb.
Rəsul Çunayevin özünün də fiziki məşqlərini edəcəyi zal metronun “Memar Əcəmi” stansiyasının yaxınlığında yerləşir.
Qeyd edək ki, daha əvvəl məşhur kikboksçularımız – Zabit Səmədov və Eduard Məmmədov idman zalı açıb.
Həmin zallarda müvafiq olaraq “Zabit Səmədov” və “Ağ Canavar” idman klubları fəaliyyət göstərir.
