AZ
RU
.png)
Gimnastımız İtaliyadan gümüş medalla qayıdır
İtaliyanın Breşiya şəhərində batut gimnastikası üzrə Dünya Kuboku yekunlaşıb
Yenixeber.org: Azərbaycan Gimnastika Federasiyasından verilən məlumata görə, turnirdə təmsilçilərimiz arasında ən yaxşı nəticə sinxron proqramda olub. Belə ki, Svetlana Makştaryova və Veronika Zemlyanayadan ibarət cütlüyümüz 46.090 xalla finala vəsiqə qazanıblar və yekun nəticədə 7-ci yerlə kifayətləniblər.
Kubok ilə yanaşı, həmin şəhərdə yeniyetmələr arasında beynəlxalq turnir də baş tutub. 15 ölkədən idmançıların qatıldığı yarışda Azərbaycan gimnastı adını medalçılar sırasına yazdırmağa müvəffəq olub. Millimizin üzvü Selcan Mahsudova fərdi proqramını uğurla yerinə yetirərək, turnirin gümüş medalına sahiblənib.
