AZ
RU
Pəhləvanlarımız 10 medal qazandılar
"Sərhədçi" Olimpiya İdman Mərkəzində ümummilli lider Heydər Əliyevin xatirəsinə həsr olunmuş güləş üzrə "Qızıl Qran Pri" beynəlxalq turnirinin final mərhələsi başa çatıb.
"Xeberinfo.com": Məlumata görə, son yarış günündə yunan-Roma güləşi üzrə bütün çəkilərdə qaliblər müəyyənləşib.
Güləşçilərimiz 4 qızıl, 3 gümüş və 3 bürünc medal qazanıb. Qızıl medalları yığmamıza Taleh Məmmədov (59 kq), Həsən Əliyev (66 kq), Rafiq Hüseynov (75 kq) və Elvin Mürsəliyev (80 kq) qazandırıb. Rəsul Çunayev (71 kq), Saman Təhmasibi (85 kq) və Sabah Şəriəti (130 kq) yalnız finalda uduzaraq gümüş medala sahib olub. Bürünc medalları isə yığmamıza Kamran Məmmədov (59 kq), Rüstəm Əliyev (71 kq) və Şalva Qadabadze (98 kq) qazandırıb.
