AZ
RU
Avroliqa: "Qəbələ" yenə uduzdu - VİDEO
Bu gün UEFA Avropa Liqasının qrup mərhələsinin II turu çərçivəsində "Qəbələ" Bakıda Almaniyanın "Mayns" klubunu qəbul edib.
Xeberinfo.com: "Bakcell Arena"da baş tutan görüşə qonaqlar daha fəal başlayıblar - 41-ci dəqiqədə Muto fərqlənib.
İkinci hissə daha məhsuldar keçib. Əvvəlcə 57-ci dəqiqədə Ruslan Qurbanov penalti zərbəsini dəqiq yerinə yetirməklə hesabı bərabərləşdirib. 5 dəqiqə sonra Sergey Zenyev "Qəbələ"ni önə keçirib. Lakin 68-ci dəqiqədə Con Kordoba hesaba tarazlıq gətirib.
Matçda son nöqtəni də qonaqlar qoyub. 78-ci dəqiqədə Öztunali Levin "Qəbələ"ni məyus edib - 2:3.
Qeyd edək ki, "Qəbələ" ilk oyununda səfərdə Belçikanın "Anderlext" klubuna 1:3 hesabı ilə məğlub olmuşdu.
Onu da xatırladaq ki, iki oyundan sonra aktivində xal olmayan "Qəbələ" sonuncudur. Belçikanın "Anderlext" klubu 3 xalla ikinci, Fransa "Sent-Etyen"i isə 1 xalla üçüncü pillədə qərarlaşıb. Birinci pillədə olan "Maynts"ın aktivində isə 4 xal var.
