Rusiyanın Xantı-Mansiysk şəhərində Sibirdə nefti kəşf edən həmyerlimiz Fərman Salmanovun xatirəsinə həsr olunmuş ənənəvi beynəlxalq turnirə start verilir. Yarış dekabrın 17-dən 20-dək davam edəcək.

Xeberinfo.com:   Məlumata görə, beynəlxalq turnirdə 16 ölkədən 100-dən çox boksçu iştirak edir. Turnirdə kişilər arasında 10, qadınlar arasında isə 4 çəki dərəcəsi üzrə mübarizə aparılacaq.

Yarışda iştirak edəcək ölkələr Rusiya, Fransa, Almaniya, Bolqarıstan, Ermənistan, Polşa, Ukrayna, Moldova, Litva, Belarus, İsveç, Çin, Qazaxıstan, Özbəkistan, Tacikistan və Türkmənistandır.

Qeyd edək ki, millimizin heyətində "Baku Fires" klubunun 2 üzvü də mübarizə aparacaq. 60 kq çəki dərəcəsində 2013-cü ilin yeniyetmələr arasında Avropa birinciliyinin qalibi Nəsrəddin Məmmədov çıxış edəcək. 69 kq çəki dərəcəsində isə "Böyük İpək Yolu" turnirinin bürünc mükafatçısı Yevgeni Romaşkeviç mübarizə aparacaq.

Yarışın ümumi mükafat fondu 2 milyon 140 min rubldur. Peşəkar boks üzrə keçmiş dünya çempionu Ruslan Provodnikov turnirin fəxri qonağıdır.

Hakim Anar Nağıyev də ölkəmizi təmsil edəcək.