Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Boksçularımızın rəqibləri bəlli oldu

 

Avropa Oyunlarında iştirak edəcək boksçularımızın rəqiblərinin adı məlum olub.  

"Xeberinfo.com":  Məlumata görə, yarışın ilk iki günündə - iyunun 16-da və 17-də Azərbaycan idmançılarından heç kim rinqə çıxmayacaq.   İyunun 18-də iki boksçumuz mübarizəyə başlayır. 64 kq çəki dərəcəsində çıxış edən Lorenzo Sotomayor 1/16 final mərhələsində sloveniyalı Edin Sejdinoviçlə qarşılaşacaq.   Bu dəfə 81 kq çəki dərəcəsində çıxış edəcək Avropa çempionu, Olimpiya oyunlarının bürünc mükafatçısı Teymur Məmmədov isə 1/16 finalda Böyük Britaniya təmsilçisi Coşua Buatsi ilə qarşılaşacaq.   49 kq çəki dərəcəsində mübarizə aparan Salman Əlizadə yarışa 1/4 final mərhələsindən başlayacaq. Onun ilk rəqibi Brendan İrvin (İrlandiya) – Tinko Banabakov (Bolqarıstan) cütünün qalibi olacaq. Əlizadə apreldə Bakıda keçirilən “Böyük İpək Yolu” turnirində məhz Banabakova uduzmuşdu.   Avropa çempionatının mükafatçısı Elvin Məmişzadə (52 kq) 1/8 finalda ya irlandiyalı Mayles Kasey, ya da belaruslu İvan Fiqurenka ilə görüşəcək.   Tayfur Əliyev də (56 kq) yarışa 1/8 final mərhələsindən qoşulacaq. Gənc boksçumuz Nikolae Andreiana (Rumıniya) – Dieqo Ferrer Pereyra (İspaniya) cütünün qalibi ilə üz-üzə gələcək.   Rio de Janeyro Olimpiadasına vəsiqə qazanan Albert Səlimov (60 kq) 1/8 finalda Artyom Ramlavs (Latviya) – Otar Eranosyan (Gürcüstan) qarşılaşmasının qalibi ilə döyüşəcək.   Pərviz Bağırov (69 kq) yarışa 1/8 final mərhələsindən qatılacaq. Milli komandamızın üzvü Anas Messaoudi (Belçika) – Vasili Belous (Moldova) görüşünün qalibi ilə qarşılaşacaq.   Xaybulla Musalov (75 kq) 1/8 finalda Kristia Mbilli Assomo-Hallier (Fransa) – Viktor Karapçevşii (Moldova) döyüşünün qalibi ilə üz-üzə gələcək.   Milli komandamızın yeni üzvlərindən Abdulqadir Abdullayev (91 kq) 1/8 finalda Adam Hamori (Macarıstan) – Erik Tlkanek (Slovakiya) görüşündə qalib gələn boksçunu sınağa çəkəcək.   Əsas medal ümidlərimizdən ikiqat dünya çempionu, Olimpiya Oyunlarının bürünc mükafatçısı Məhəmmədrəsul Məcidov 1/8 finalda mübarizəyə qoşulacaq. Komandamızın kapitanı Vladislav Sirenko (Ukrayna) – Mixail Baxtidze (Gürcüstan) görüşünün qalibi ilə qarşılaşacaq.   Qadın boksçularımızın rəqibləri:   51 kq. 1/8 final. Anaxanım Ağayeva – Sandra Drabik (Polşa) - 19 iyun 54 kq. 1/4 final. Anna Əlimərdanova – Stanimira Petrova (Bolqarıstan) - 23 iyun 60 kq. 1/8 final. Yana Alekseyeva – Mira Potkonen (Finlandiya) - 21 iyun 64 kq. 1/4 final. Yelena Vıstropova – Sandi Ryan (Böyük Britaniya)/Sindi Rogge (Almaniya) cütünün qalibi 75 kq. 1/8 final. Leyla Cavadova – Yaroslava Yakuşina (Rusiya) - 19 iyun 


Facebook-da paylaş

Yeni xəbərlər

Reklam

Reklam