AZ
RU
Ərazilərimiz minalardan təmizlənir
Əməliyyatlar Ağdam, Ağcabədi, Ağstafa, Füzuli və Tərtərdə aparılıb
"Xeberinfo.com": Məlumata görə, Azərbaycan Respublikası Ərazilərinin Minalardan Təmizlənməsi üzrə Milli Agentliyin (ANAMA) tərəfindən 2014-cü dekabr ayında 2106370 kvadratmetr ərazi yoxlanılıb, mina və partlamamış hərbi sursatdan (PHS) təmizlənib. Əməliyyatlar nəticəsində 76 PHS, 1 ədəd tank əleyhinə mina və 17 ədəd piyada əleyhinə mina aşkar edilərək zərərsizləşdirilib.
ANAMA-nın mətbuat xidmətindən verilən məlumata görə, indiyədək cəmi 278297716 kvadratmetr ərazi təmizlənib. Tapılıb zərərsizləşdirilmiş mina və PHS-lərin sayı 689623-dir.
Agentlik tərəfindən təmizləmə əməliyyatları Ağdam, Ağcabədi, Ağstafa, Füzuli, Qazax və Tərtər rayonlarında davam etdirilir.
Həmin dövrdə 2 mina/PHS hadisəsi qeydə alınıb. Onlardan birində Azərbaycan Ordusunun bir hərbçisi ölüb, digəri yaralanıb. Digər halda isə minaya düşən mülki şəxs olub və hadisə nəticəsində qəlpə yarası alıb.(ANS PRESS)
.jpg)
