AZ
RU
.jpg)
Nazirlikdən ölən gənclə bağlı -Açıqlama
Bakıda əməliyyat edilən xəstə həkim səhlənkarlığı nəticəsində ölüb.
Yenixeber.org: Məlumata görə, Mirməmməd Cavadzadə adına Respublika Klinik Uroloji Xəstəxanasında əməliyyat olunan Laçın rayonundan məcburi köçkün Əlizamin adlı 28 yaşlı gənc qipospadiya (sidik kanalının tutulması) əməliyyatı olunub. Əməliyyatdan sonra xəstənin bir həftə qızdırması düşməyib. Onun qanına iltihab keçdiyi üçün dünyasını dəyişib. Həkimlər məsuliyyəti öz üzərlərindən atmaq üçün xəstənin yaxınlarına mərhumun ürəyində problem olduğu üçün dünyasını dəyişdiyini bildiriblər.
Məlum olub ki, mərhum xəstəxananın uşaq şöbəsində professor Eldar Hüseynov və oğlu Murad Hüseynov tərəfindən əməliyyat olunub. Həmin şöbədə isə 14 yaşına qədər uşaqların əməliyyat olunmasına icazə var. Xəstənin yaxınlarının bildirdiyinə görə, əməliyyata görə xəstəxanaya 2000 manata yaxın pul ödənilib. (Unikal.org)
