"Xeberinfo.com": Baş həkim məsələdən xəbərsiz olduğunu deyib, polissə məsələni araşdırmadan bağlayıb. Salyan rayonunda bu dəfə olduqca maraqlı bir olay baş verib. Azerbaycaninfo.com-a verilən məlumata görə, bir ay öncə Salyanda yerləşən Rayonlararası Rusi-Əsəb Xəstələri Dispanserinin həyətindən xeyli sayda narkotik tərkibli bitki kolları aşkarlanıb. Məlumatda deyilir ki, dispanserin həyətindən aşkarlanan marixuana kollarını polis tərəfindən məhv edilib. Lakin bu kolların kim tərəfindən əkildiyi, onların dispanserin həyətində necə peyda olunduğu araşdırılmayıb. Və Salyan Rayon Polis Şöbəsində bununla bağlı heç bir cinayət işinin açılmadığı da deyilir. 
     Azerbaycaninfo.com-a verilən məlumatda qeyd edilir ki, Salyan Rayonlararası Ruhi-Əsəb Dispanserinin baş həkimi Yaşar Kərimov polisdə ifadə verərək, marixuana kollarının xəstəxananın həyətinə düşdüyündən xəbərsiz olduğunu deməklə kifayətlənib. Məsələni dəqiqləşdirmək üçün baş həkimlə əlaqə saxlamağa çalışdıq. Lakin telefonlarımıza cavab verən olmadı. Bununla əlaqədar Salyan polisi ilə də əlaqə qurmağa çalışırıq.