AZ
RU
.jpg)
Bank hakerləri yaxalandı
Kiber cinayətkarlar banklardan 1 milyarddan çox vəsaiti oğurlayıblar
Xeberinfo.com: Rusiya Federal Təhlükəsizlik Xidmətinin əməkdaşları xüsusi virus proqramı ilə rus banklarından 1 milyard 700 min pul çəkməyi bacaran haker qrupunu həbs edib.
Kiber cinayətkar qrup ölkənin 15 müxtəlif regionunda FTX və Daxili İşlər Nazirliyinin, habelə Milli Qvardiyanın dəstəyi ilə zərərsizləşdirilib.
Rus mətbuatının xəbərinə görə, artıq 50 nəfər həbs olunub, onlardan 18-i haqqında qəti imkan tədbiri seçilib.
Bundan başqa, hakerlərin mənzillərində keçirilən axtarış zamanı külli miqdarda yalançı bank kartları, külli miqdarda pul, mobil telefon hesabları, hətta bankların maliyyə hesablarını əks etdirən sənədlər aşkar edilib.
Mütəxəssislər FTX-nin bu əməliyyatını son illərdə bank hakerlərinə qarşı həyata keçirilən ən böyük reyd olduğunu bildirirlər.
