AZ
RU
Müsavatçı gənc həbs edilib
Müsavatçı gənc Elvin Paşayev saxlanılıb.
Xeberinfo.com: Məlumata görə, bunu Azadlıq Radiosuna vəkil Nemət Kərimli bildirib.
Vəkilin sözlərinə görə, E.Paşayev yanvarın 23-də saxlanılıb. Həmin vaxtdan yanvarın 25-nə kimi valideynləri övladları barədə hüquq-mühafizə orqanlarından məlumat ala bilməyiblər.
Yanvarın 26-da Nərimanov rayon Məhkəməsi E.Paşayev barəsində 4 ay müddətinə həbs-qətimkan tədbiri seçib.
«Elvin sosial şəbəkədə də fəal idi, tənqidi yazılar yazırdı, digər tərəfdən iqtisadi vəziyyət ağırlaşır, hökumət bundan çıxış yolu tapmaqdansa, ictimai-siyasi fəalları həbsə almağı «çıxış yolu» sayır. Odur ki, bu həbs siyasi motivlidir»- N.Kərimli deyib.
E.Paşayev Müsavat Partiyası Qubadlı rayon təşkilatının və partiyanın gənclər təşkilatının üzvüdür. Sumqayıt sakinidir. Sumqayıt Dövlət Universitetinin məzunu, ixtisasca isə filoloqdur. «Hədəf» hazırlıq kursunda müəllim işləyir.
