“Günəşli” yatağının yanan platformasındakı neftçiləri xilas etmək üçün ora yanğından mühafizə gəmisi göndərilib.

Xeberinfo.com:  SOCAR-dakı mənbələrdən virtualaz.org saytına verilən məlumata görə, yanğın çox güclü olduğu üçün platforma ilə əlaqə tam kəsilib. Xilasetmə gəmisi platformaya yan ala bilmir. Platformada çalışan neftçilərin taleyindən heç bir xəbər yoxdur.

Əldə etdiyimiz son məlumata görə, platformada 84 (digər məlumata görə isə 100) neftçi var. Güclü külək xilasetmə işlərini çətinləşdirir.

Yanğınla əlaqədar SOCAR-ın vitse-prezidenti Rəhman Qurbanovun sədrliyi ilə komissiya yaradılıb.

                                                                ***

Bir neçə saat öncə “Günəşli” neft yatağında qaz sızması nəticəsində güclü yanğın baş verib.

 Məlumata görə, yanğın yatağın 10-cu platformasında başlayıb.

SOCAR-dakı mənbələr faktı təsdiqləyiblər.

Ölənlər və xəsarət alanlar barədə hələ məlumat verilmir.

Sosial şəbəkələrdə yayılan məlumata görə, yanğın o qədər güclüdür ki, yanğınsöndürən gəmi platformaya yaxınlaşa bilmir. Platformada 100 nəfər işçinin qaldığı deyilir.