Bu gün- avqustun 18-də Qarabağ Azadlıq Təşkilatı (QAT) Gürcüstanın Azərbayandakı səfirliyi qarşısında etiraz aksiyası keçirib.
"Xeberinfo.com":   Musavat.com xəbər verir ki, aksiya Gürcüstanda yaşayan soydaşımız Turqay Mikayılovun erməni sərhədçiləri tərəfindən tutularaq Ermənistana aparılması, həmçinin Gürcüstanın azərbaycanlılar yaşayan bölgələrinə qarşı Ermənistan tərəfindən müxtəlif təxribatların törədilməsi, bu ərazilərdə torpaqların zəbt edilməsinə etirazdır.
Qeyd edək ki, aksiyanın keçirilməsi üçün QAT bir neçə gün əvvəl Bakı Şəhər İcra Hakimiyyətinə müraciət göndərsə də, müraciətə cavab verilməyib. Müraciətdə bidirilirdi ki, aksiyada Qarabağ Azadlıq Təşkilatının 50 nəfər üzvünün iştirakı nəzərdə tutulur: “Aksiya iştirakçıları Gürcüstanın azərbaycanlılar yaşayan ərazilərində ermənilərin törətdikləri təxribatçı hərəkətlərin, azərbaycanlıların ermənilər tərəfindən müxtəlif təzyiq və qəsdlərə məruz qalmaları, onların tutularaq Ermənistana aparılması, orada saxlanılması hallarının qarşısının alınması üçün Gürcüstan hökumətindən tədbirlərin görülməsini tələb edəcəklər”.