AZ
RU
BMT-nin qarşısında etiraz aksiyası
Qarabağ Azadlıq Təşkilatı (QAT) Kəlbəcərdə ermənilər tərəfindən girov götürülən Şahbaz Quliyev və Dilqəm Əsgərovun azad edilməməsinə etiraz əlaməti olaraq Birləşmiş Millətlər Təşkilatının (BMT) Azərbaycan nümayəndəliyinin binasının yaxınlığında etiraz aksiyası keçirib.
"Xeberinfo.com": APA-nın məlumatına görə, etiraz aksiyasında QAT üzvləri ilə yanaşı, D. Əsgərov və Ş. Quliyevin ailə üzvləri, qohumları da iştirak ediblər.
Şəhidlər Xiyabanından BMT-nin Azərbaycan Nümayəndəliyinin qarşısına yürüşlə başlayan aksiyanın qarşısı polis tərəfindən alınsa da, yürüş iştirakçıları etiraz məqsədilə gətirdikləri qara qərənfili nümayəndəliyin həyətinə atıblar.
Aksiyanın keçirilməsində məqsəd BMT və digər beynəlxalq təşkilatların girov götürülən azərbaycanlıların taleyinə biganə yanaşmasına diqqət çəkmək olub. Aksiya iştirakçıları “Rədd olsun BMT!”, “Rədd olsun Minsk Qrupu!” “Ar olsun BMT-yə!” və başqa şüarlar səsləndiriblər.
