AZ
RU
Göyçayda həkim hovuzda boğuldu
Göyçayda həkim su hovuzuna düşərək boğulub.
"Xeberinfo.com": "Report"un xəbərinə görə, hadisə gecə saatlarında baş verib. Göyçay şəhər sakini, 1961-ci il təvəllüdlü Mehman Məmmədov xəstəxananın həyətindəki su hovuzunda boğularaq ölüb.
Rayon Mərkəzi Xəstəxanasında və Bioloji Təbabət Klinikasının Göyçay filialında həkim rentgenoloq işləyən M.Məmmədovun meyiti bu gün səhər saatlarında sudan çıxarılıb. Hazırda meyit Respublika Məhkəmə Tibbi Ekspertiza və Pataloji Anatomiya Birliyinin Göyçay rayon şöbəsində müayinə edilir. Meytin üzərində hər hansı zorakılıq əlamətləri aşkarlanmayıb.
Polis və prokurorluğunun əməkdaşları hadisə yerindədir. İFaktla bağlı Göyçay Rayon Prokurorluğunda araşdırma aparılır.
