AZ
RU
“Qadın məclisləri başdan-ayağa xurafatdır”
“Azərbaycanda xanım din xadimlərinin çatışmazlığı var. Bu sahədə çatışmazlığı aradan qaldırmaq üçün işlər görülməlidir. Biz bununla bağlı Qafqaz Müsəlmanları idarəsi ilə danışacağıq”.
"Xeberinfo.com": Trend xəbər verir ki, bunu Dini Qurumlarla İş üzrə Dövlət Komitəsinin sədri Mübariz Qurbanlı bu gün “Milli-mənəvi və dini dəyərlər: Tarixilik, müasirlik” mövzusunda KİV rəhbərləri ilə təşkil edilən görüşdə söyləyib.
O bildirib ki, İslam Universitetində qızlar oxuyurlar, ancaq yenə də qadın din xadimləri çox azdır.
M.Qurbanlı deyib ki, ən çox xurafat qadın yas məclislərindədir: “Qadın məclisləri başdan-ayağa xurafatdır. O məclisi aparan qadının özünün tərcümeyi-halını oxusan, dəhşətə gələrsən. Deyərsən, bu hara, din hara?”
