AZ
RU
"Azərbaycanın daha ABŞ-ın yardımına ehtiyacı yoxdur"
Azərbaycan iqtisadiyyatı son illərdə xeyli inkişaf edib və daha bu ölkənin ABŞ-ın maliyyə dəstəyinə ehtiyacı yoxdur.
"Xeberinfo.com": Məlumata görə, bunu "Trend"-ə ABŞ-ın Azərbaycandakı keçmiş səfiri, Tallin Beynəlxalq Müdafiə Araşdırmaları Mərkəzinin direktoru Metyu Brayza bildirib.
O deyib: “Sovet İttifaqının süqutundan sonra ABŞ-ın göstərdiyi maliyyə yardımı daimi olmamalıdır. Bu vəsaitlər ölkələrin sovet sistemindən beynəlxalq sistemə keçməsinə yardım olunması üçündür. Azərbaycan bunu edib, artıq köməyə ehtiyacı yoxdur”.
O bildirib ki, dünyada ABŞ və amerikalıları təhdid edən böyük humanitar problemlər var: “Mən deməzdim ki, ABŞ üçün Azərbaycan və Dağlıq Qarabağ münaqişəsinin əhəmiyyəti prioritetliyini itirib, sadəcə problemlər çoxdur, maliyyə vəsaiti isə məhduddur”.
Virtualaz.org xatırladır ki, ABŞ-ın Ermənistandakı səfiri Riçard Mills dünənki açıqlamasında ölkəsinin Ermənistanla Azərbaycanın barışmasına yönəlik maliyyəni azaldacağını bildirmişdi.
.jpeg)
