Bu gündən etibarən Rusiyanın Belqorod vilayətinin Ukrayna ilə sərhəd Krasnoyarujsk rayonundan əhalinin təxliyəsinə başlanılıb.

Yenixeber.org: Belqorod vilayətinin qubernatoru Vyaçeslav Qladkov avqustun 12-də səhər saatlarında sərhəddə yerləşən Krasnoyaruzsk rayonu əhalisinin təxliyəsinə başlanıldığını elan edib.

“Bizdə düşmənin Krasnoyaruzski sərhəddində aktivliyi ilə bağlı məlumat var, biz əhalinin həyatını və sağlamlığını qorumaq üçün insanları təhlükəsiz yerlərə köçürməyə başlayırıq”, - deyə Qladkov teleqram kanalında yaydığı videomüraciətində bildirib.

O, əlavə edib ki, bu əraziyə artıq nəqliyyat vasitələri göndərilib. Qubernator neçə nəfərin təxliyyə ediləcəyini və onların hara aparılacağını dəqiqləşdirməyib.

Rusiya hərbi bloqçuları bazar günü Ukrayna bölməsinin Krasnoyaruzjski rayonunun Kolotilovka sərhəd kəndinə hücumu barədə məlumat yayıblar. Üç gün əvvəl Qladkov artıq kənd sakinlərini getməyə çağırmışdı.

Krasnoyaruzski rayonu Ukrayna hərbçilərinin avqustun 6-da daxil olduğu qonşu Kursk vilayətinin Sudja şəhərindən təxminən 45 kilometr aralıda yerləşir.

Belqorod vilayətinin Krasnoyaruzski rayonu qərb tərəfdən Ukrayna sərhədinə, şimal tərəfdən isə Kursk vilayətinin Belovski rayonuna bitişikdir. Avqustun 11-nə keçən gecə Ukraynanın diversiya-kəşfiyyat qrupu Belovski rayonu ərazisinə daxil olub. Daha sonra Rusiya Müdafiə Nazirliyi bildirir ki, Belovski rayonunda Ukrayna Silahlı Qüvvələrini yarmaq cəhdi dayandırılıb.

Avqustun 9-dan Ukrayna ilə həmsərhəd Belqorod, Bryansk və Kursk vilayətlərində antiterror əməliyyatı rejimi tətbiq edilib. Kursk vilayətində Ukrayna Silahlı Qüvvələrinin avqustun 6-da başlayan reydindən sonra federal miqyasda fövqəladə vəziyyət rejimi qüvvədədir.

Rusiya Müdafiə Nazirliyi üç regionda 18 pilotsuz təyyarənin vurulduğunu bildirib. Nazirliyin məlumatına görə, Rusiya hava hücumundan müdafiə qüvvələri Kursk vilayəti üzərində 11, Belqorod vilayəti üzərində beş, Voronej vilayəti üzərində daha iki təyyarə tipli pilotsuz təyyarəni vurub. Eyni zamanda, hesabatda Rostov vilayəti səmasında vurulan pilotsuz təyyarələrdən, eləcə də Moskva yaxınlığındakı Çkalovskaya aerodromuna pilotsuz təyyarələrin hücumundan bəhs edilmir.

Bölgənin qubernatoru Vasili Qolubev bazar ertəsi gecə Rostov vilayəti üzərində dörd pilotsuz təyyarənin vurulduğunu bildirib.

Gecə saatlarında bir neçə Rusiya hərbi teleqram kanalı yerli sakinlərə istinadən xəbər verdi ki, Moskva yaxınlığındakı Çkalovski aerodromunun ərazisində, ehtimal ki, pilotsuz təyyarə və ya dronlarda atışma səsləri eşidilib. Kanallar tam qaranlıqda atışların eşidilməsi və izləyici mərmilərin göründüyü videolar dərc edir. Çkalovski hərbi aerodromu Moskvadan 15 kilometr şimal-şərqdə, Şçelkovo şəhəri yaxınlığında yerləşir.(Azpolitika)

Rasim Əliyev