AZ
RU
"Müdafiə Xətti" "Media haqqında" qanun layihəsini tənqid edib
"Müdafiə Xətti" Azərbaycan hökumətinə və qanunverici orqana çağırış edir ki, Avropa Konvensiyasının 10-cu (İfadə azadlığı), Azərbaycan Konstitusiyasının 47-ci (fikir və söz azadlığı), 50-ci (məlumat azadlığı) maddələrinin tələblərinə riayət etsin, media siyasəti həyata keçirilərkən azad jurnalistikanın inkişafının təmin edilməsi əsas hədəf seçilsin.
Sənəddə qeyd edilir ki, azad media, söz və fikir, mətbuat və məlumat azadlıqları demokratik quruluşun, hüquqi dövlətin əsas atributlarıdır.
"Müdafiə Xətti" dərin narahatçılıqla göstərir ki, "ictimai müzakirəyə çıxarılmadan, media hüququ üzrə ixtisaslaşan ekspertlərin, təcrübəli media mütəxəssislərinin, Avropa Şurası Venesiya Komissiyasının, ATƏT-in Media Ofisinin və s. rəyləri öyrənilmədən tələm-tələsik parlamentdə müzakirə edilən, ikinci oxunuşda da təsdiqlənən "Media haqqında" qanun layihəsi mürtəce xarakterlidir".
