Redaktor seçimi
12 illik icra başçısının gözqamaşdıran SƏRVƏTİ... -
Niyazi Bayramovun başı dərddə -Gəncədə daha kimlər həbs oluna bilər? -
Elm və Təhsil Nazirliyinin qrant müsabiqəsi-
Cahid Hüseynovun və qohumlarının “Azəriqaz”dakı qanunsuz əməlləri... -
XALQDAN “QAZANILIB” BRİTANİYADA BATIRILAN MİLYONLAR - Və deputat Feyziyevin digər həmkarlarından fərqi -
Kərəm Həsənovun müavinindən şikayət etdi, evinin "altını üstünə çevirdilər" –
"Azərenerji" ASC-nın dövləti milyardlarla borca salmasının səbəbi bilindi-
SUDAN ÇIXARILAN MİLYARDLAR... – Əhmədzadələrin dəbdəbəli həyatının sirri -
Günün xəbəri

Azərbaycan Rusiyaya “hə” dedi 

 Ermənistanla sərhədlərin delimitasiyası və demarkasiyası ilə Moskvanın arbitrlik edəcəyi üçtərəfli komissiya məşğul ola bilər

Yenixeber.org: Minsk şəhərində keçirilən MDB Hökumət Başçıları Şurasının iclasında sərhəddəki insident Ermənistan və Azərbaycan rəsmiləri arasında polemikaya səbəb olub. Ermənistan baş nazirinin müavini səlahiyyətlərinin icraçısı Mqer Qriqoryan çıxış edərək bildirib ki, Azərbaycan tərəfi Ermənistanın ərazi bütövlüyünü və suverenliyini pozaraq mayın 27-də 6 nəfər hərbi qulluqçunu əsir götürüb. Azərbaycanın baş naziri Əli Əsədov isə ona cavabında deyib: 

“Hörmətli həmkarlar, mənim Ermənistanın baş nazir müavini səlahiyyətlərini icra edən şəxsə və sizə sualım var: Ermənistan hərbçilərinin mayın 27-si gecə saat 3-də Azərbaycan Respublikasının Kəlbəcər rayonunun Yuxarı Ayrım kəndində nə işləri vardı? Onlar bizim ərazini niyə minalayırdılar? Biz Ermənistan Respublikasının bircə qarış belə torpağına iddia etmirik, lakin özümüzün də bircə qarış torpağımızı heç kəsə verməyəcəyik. Bu, bizim prinsipial mövqeyimizdir”.

Baş nazir daha sonra bəyan edib ki, hərbi əməliyyatlar başa çatandan sonra Azərbaycan öz sərhəd infrastrukturunu müəyyən etməyə başlayıb və Ermənistanla sərhəd mübahisəsini konstruktiv şəkildə həll etməyə tam hazırdır. Ə.Əsədov bildirib ki, bununla əlaqədar Bakı Rusiya tərəfinin Azərbaycan-Ermənistan sərhədlərinin delimitasiya və demarkasiyası üzrə müvafiq üçtərəfli komissiya yaradılması təklifini dəstəkləyib. Onun sözlərinə görə, Azərbaycan bölgədə davamlı sülhün və təhlükəsizliyin təmin edilməsinə, o cümlədən münaqişədən sonrakı vəziyyətin normallaşdırılması prosesinə və bütün fikir ayrılıqlarının 2020-ci il 9/10 noyabr və 2021-ci il 11 yanvar tarixli üçtərəfli bəyanatların müddəalarının vicdanla yerinə yetirilməsi kontekstində diplomatik vasitələrlə həll edilməsinə tərəfdardır.

Beləliklə, Rəsmi Bakı sərhədlərin delimitasiyası və demarkasiyası ilə bağlı Rusiyanın təklif etdiyi komissiyanın yaradılması ideyasını dəstəkləyib. Paşinyan isə ötən həftə bildirmişdi ki, bir şərtlə komissiyanın qurulmasına razıdır ki, Azərbaycan silahlı qüvvələri Ermənistan ərazilərini tərk etsinlər. M.Qriqoryan da eyni mövqeni təkrarlayaraq vurğulayıb ki, Rusiyanın təklifi məqbuldur, amma Azərbaycan hərbçiləri Ermənistan ərazilərini tərk etməli, əsirlər geri qaytarılmalıdır.  

Mətbuata sızan bilgilərə görə, Rusiya bu komissiyada məşvərətçi hüquqa malik olacaq. Delimitasiya və demarkasiya işləri isə sovet dövrünüç xəritələrinə əsasən aparılmalıdır. 

Paşinyan onun seçki kapmaniyasına ciddi zərbə vuran bu problemin tezliklə səngiməsini istəyir. O, hökumətin iclasında bildirib ki, Qaragölün 30 faizinə görə Azərbaycanla müharibə etmək niyyətində deyil, sərhədlər diplomatik masada, müzakirələr əsasında dəqiqləşdirilməlidir. Rusiyaya gəldikdə, Moskva vəziyyətdən məmnundur, çünki üçtərəfli komissiya Azərbaycanla Ermənistan arasında bütün mübahisəli məsələlərin həllində ona arbitr rolunda çıxış etməyə, liderliyini möhkəmləndirməyə şərait yaradır. 

Paşinyanın sərhədə ABŞ və Fransa nümayəndələrindən ibarət beynəlxalq müşahidəçilərin göndərilməsi təşəbbüsünə gəldikdə, onun reallaşması mümkün deyil. Çünki Azərbaycan problemin beynəlmiləlləşməsini istəmir, ümumiyyətlə, Minsk Qrupu həmsədrlərinin çox da aktivləşməsini arzulamır. Rusiya da eyni mövqedən çıxış edir. Güman ki, Ermənistanda parlament seçkilərindən sonra üçtərəfli komissiyanın formalaşdırılması istiqamətində real addımlar atılacaq. Belə görünür ki, Rusiya prosesin sürətləndirilməsinə tərəfdardır.(pressklub) 

Turqut


Facebook-da paylaş

Yeni xəbərlər

Reklam

Reklam