Bu günlərdə Beynəlxalq Mətbuat Mərkəzində tarixi romanlar müəllifi kimi Azərbaycan ədəbiyyatında özünə layiqli yer tutan,mərhum yazıçı Fərman Kərimzadəyə həsr olunmuş musiqili- ədəbi  anım tədbiri keçirilmişdir.

"Xeberinfo.com":   Məlumata görə, tədbirin təşkilatçısı "Zəminxarə" xeyriyə cəmiyyəti idi. Xatirə tədbirini Cəmiyyətin rəhbəri yazıçı-dramaturq Heydərəli Beyləqani açmış,yazıçının həyat və yaradıcılığı haqqında tədbir iştirakçılarına məlumat vermiş,onun haqqında olan xatirələrini danışmışdır.

    Hər zaman Azərbaycan Yazıçılar Birliyinin tədbirlərində sonda söz deməyə adət etmiş qocaman şair Oqtay Rza bu dəfə ilk çıxış edənlərdən oldu.O,Fərman Kərimzadəylə birlikdə keçirdiyi xoş günlərdən şirin xatirələr danışdı,şeirlərini oxudu.Oqtay müəllimin şirin çıxışı tədbir iştirakçıları tərəfindən böyük coşquyla qarşılandı.

  Şairin çıxışından sonra iştirakçılar qarşısına muğam ustaları,şair-bəstəkarlar: Ağakərim Nafiz,Oqtay Hacılı və xanəndə xanım Mətanət Yadigarlı çıxdılar. Onlar gözəl,bənzərsiz ifaları ilə məclisi feyziyab etdilər.Onları tarda İdris Səmədzadə,kamançada Mərkəz Şuşalı müşayət edirdilər.

   Tədbirdə Sumqayıt Dövlət Tetrının aktyorları Hacı Qurban Bayraməlioğlu,Elman Əhmədli,Növrəstə Xanəliqızı,Vəfa Əliqızı və Rövşən Sumqayıtlı Əliheydər Beyləqanlının Fərman Kərimzadənin həyat və yaradıcılığından bəhs edən səhnəciyində çıxış etdilər.

    "Respibulka"qəzetinin əməkdaşı Rauf  İlyasoğlu,"Sahibkarlıq və hüquq"qəzetinin baş redaktorunun birinci müavini Məhərrəm Şəmkirli,şair Nizami Girdimançaylı və başqaları da  yazıçı haqqında fikirlərini bölüşmüş,təşkilatçılara böyük təşəkkürlərini bildirmişlər.

   Məhərrəm Şəmkirli