AZ
RU
TƏNHA ADAYAM
"Xeberinfo.com":
Baxışlar mənimdir duruşum kimin
Söz ilə sarıldım, vuruşum kimin
Suallar mənədir, soruşum kimin?
Bilmədim özümə, yadam doğmayam
Ləpəli sahiləm, tənha adayam.
Üsyankar ruhumu. xəyal aparır
Meh vurub oxşayan, bir hal aparır
Nəsibim halallıq, halal aparır
Bilmədim kiməsə, yadam doğmayam,
Ləpəli sahiləm, tənha adyam.
Bilmirəm, bilmirəm kimə oxşadım
Bağçadan, bağlardan hər gül qoxladım,
Yayımı çəkməmiş yüz yol yoxladım.
Bilmədim kiməsə, yadam, doğmayam
Ləpəli sahiləm, tənha adayam.
Desələr bilmirəm, bəlkə lovğayam
Deyərəm sözümü, bəlkə davayam.
Təkəmsə meydanda, kimi haylayam
Axır ki, bilmədim, yadam doğmayam
Ləpəli sahiləm, tənha adayam.
TƏRANƏ ŞƏMS.
.jpeg)
