Dolların drama nisbəti 8 il ərzində ən rekord səviyyəsini yaşayıb

"Xeberinfo.com": Rusiya rublunun kəskin düşməsi Ermənistanda rekord tənəzzül göstəricilərinə səbəb olub.Məlumata görə, çərşənbə axşamı isə İrəvan valyuta dəyişmə məntəqələrində 1 ABŞ dollarının qiyməti 8 il ərzində ən rekord səviyyəsini yaşayıb. Bu zaman 1 dollar 465-470 drama çatmışdı, lakin axşama yaxın, Mərkəzi Milli Bankın müdaxiləsi sayəsində, qiymət 450 drama endirilib.

Hələ oktyabrın sonunda 1 ABŞ dollarını 408-410 Ermənistan dramına almaq olardı.

Ermənistanın iqtisadiyyat naziri Karen Çşmarityan isə ölkə valyutasının məzənnəsinin düşməsini “spekulyasiya sövdələşmələrinin” nəticəsi adlandırıb.

Jurnalistlərə görüşü zamanı nazir deyib ki, Ermənistanın mövcud iqtisadi göstəriciləri məzənnənin belə kəskin tərəddüdünə səbəb ola bilməzdi. Lakin hakimiyyət dolayı yollarla cəmiyyəti aldatmaq istəsə də, İqtisadçılar Ermənistan valyutasının dollara nisbətən dəyərinin düşməsini Qərbin sanksiyaları nəticəsində Rusiya rublunun məzənnəsinin enməsi ilə əlaqələndirirlər.