AZ
RU
Britaniyada terror təhlükəsi
"Xeberinfo.com": Böyük Britaniya indiyə qədər görülməmiş terror təhlükəsi ilə üz-üzədir. Əsasən, son zamanlarda İraq və Suriyada İŞİD terrorçu qruplaşmasına qarşı aparılan mübarizə fonunda bu təhlükə daha da artıb. Britaniyanın daxili işlər naziri Tereza Mey bu barədə açıqlama verib. Nazir qeyd edib ki, hökumət terrorizmə qarşı tədbirləri gücləndirməyə çalışır.
“Terrorçular heç də həmişə xüsusi bir qrupa, cinayətkar təşkilata aid olmurlar. Bəziləri fərdi şəkildə kütləvi cinayətlər törətmək qərarına gəlirlər, ki bu cür “tənha canavarlar” cəmiyyətimizdə var. Ona görə biz ölkədə baş verə biləcək hadisələrə hazır olmalıyıq”
Nazir əlavə edib ki, indi, əsasən, sosial şəbəkələrdə paylaşılan radikal fotoşəkillər və ya ismarışlar insanları təsir altına salır. Nəticədə onlar qanlı cinayətlər törədirlər.
Britaniya təhlükəsizlik qüvvələri, əsasən, paytaxt Londonda terror təhlükəsinə qarşı insanları maarifləndirmək məqsədilə müxtəlif kampaniyalar keçirirlər. Ötən gün London polisi terror aktı ilə qarşılaşdıqda insanların nə etməli olduğunu nümayiş etdirən broşüralar paylayıblar.
.jpeg)
