AZ
RU
Ukraynada referendumların ilkin nəticələri açıqlanır
"xeberinfo.com": Ukraynanın Donetsk və Luqansk vilayətlərində Rusiya tərəfdarı olan separatçıların mayın 11-də keçirdiyi müstəqillik referendumlarının ilkin nəticələri açıqlanır. Rusiyanın “RİA-Novosti” agentliyinin məlumatına görə, Donetsk vilayətində seçicilərin 74,87 faizi, Luqansk vilayətində 81 faizi referenduma gəlib.
Donetsk vilayətində seçicilərin 89,7 faizinin özünü “Donetsk Xalq Respublikası” adlandıran qurumun Ukraynadan ayrılmasına səs verdiyi bildirilir. “Luqansk Xalq Respublikası” ilə bağlı ilkin məlumat hələ elan olunmayıb.
2013-cü il noyabrın 21-də Rusiyanın basqılarına dözməyən Ukrayna hökuməti Avropa Birliyi ilə geniş inteqrasiya sənədləri imzalanması prosesini dayandırıb. Bunun ardınca müxalifət davamlı etiraz aksiyalarına qalxıb, toqquşmalarda 100 nəfərdən çox adam ölüb. Fevralın 22-də hakimiyyət Qərb meylli qüvvələrin əlinə keçəndən sonra isə Rusiya ölkənin cənub-şərq bölgəsində Moskvaya bağlı qüvvələri onların üstünə qaldırıb və Krım yarımadasını hərbi qüvvə ilə işğal edərək özünə birləşdirib. Daha sonra Donetsk, Xarkov, Luqansk vilayətlərində Rusiyanın dəstəklədiyi qüvvələr separatçılıq ocaqları yaradıblar.
