AZ
RU
Ukraynadan yeni xəbər
Mayın 11-də Luqansk və Donetsk vilayətlərində Ukraynanın şərq bölgələrinin müstəqilliyi haqda referendum keçirilir.
"xeberinfo.com": Məlumata görə, referendumu inzibati binaları zəbt edən silahlı separatçılar təşkil edir.
Ukraynanın şərqində Slavyansk, Donetsk, Luqansk və Rusiyameylli yaraqlıların nəzarət etdiyi digər şəhərlərdə referenduma separatçı qurumlara dəstək məsələsi çıxarılıb.
Referendum Ukrayna hökumət qoşunları ilə silahlı separatçılar arasında ağır döyüşlərdən sonra əldə olunan nisbi sakitlik şəraitində keçsə də, separatçıların siyasi mövqelərini dəstəkləməyən vətəndaşlara qarşı təzyiqlər, Ukraynanın bütövlüyünü dəstəkləyən siyasətçilərin girov götürülməsi, döyülməsi və qətlə yetirilməsi halları ilə müşahidə olunur.
Mayın 10-da Slvyansk yaxınlığında hökumət qoşunlarının saxladığı silahlı separatçılardan 100 min "referendum bülletenləri" aşkar deyilib. Bu haqda xəbər verən Kiyev rəsmiləri bülletenlerdə artıq separatçıları dəstələyən "hə" cavablarının əvvəlcədən yazıldığını bildirirlər.
Ukrayna isə Rusiya ilə viza rejiminin tətbiq olunmasını nəzərdən keçirir.
Separatçılar referendumda "kütləvi iştirakdan", Ukrayna rəsmiləri isə antiterror əməliyyatlarının davam etdiyi haqda xəbərlər yayır. Ukrayna mediasının xəbərinə əsasən Kramatorsk hava limanının rəhbəri naməlum yaraqlılar tərəfindən oğurlanıb.
Mariupol şəhərinin Rusiyameylli sakinləri deyirlər: "Biz faşizmə qarşıyıq. Kiyev - faşizmdir". Son günlər bu şəhərdə hökumət qoşunlarının polis binasını zəbt edən silahlı separatçılara qarşı əməliyyatlarda hər 2 tərəfdən və dinc sakinlər arasında onlarla ölən və yaralanan oldu.
Şəhər sakinlərinin bir qismi bu hadisələrdə Rusiyameylli yaraqlıları deyil, məhz Ukrayna təhlkükəsizlik qüvvələrini gunahkar sayır. Rusiya ilə sərhəddə olan Luqansk və Donetsk vilayətlərində sərhəd məntəqələri Ukraynanın nəzarətindən çıxdığından silahlı separatçı qruplaşmalar Rusiyadan Donbass regionuna sərbəst keçə bilir.
