AZ
RU
Ərdoğan ABŞ-dan Güləni tələb edir
Türkiyənin baş naziri Rəcəb Tayyib Ərdoğan bələdiyyə seçkilərindən sonra ilk dəfə geniş müsahibə verib.
"xeberinfo.com" Türkiyə mətbuatına istinadən xəbər verir ki, prestijli PSB kanalının əməkdaşı Çarli Rozaya müsahibə verən Ərdoğan ABŞ-dan gözlədiklərini açıq ifadə edib.
Ərdoğan bildirib ki, erməni məsələsini "soyqırım" kimi tanımağı mümkün deyil: "Əgər soyqırım olsaydı bugün Türkiyədə erməni olmazdı".
İsraillə bağlı məsələyə isə Ərdoğan "Prezident Obamaya təşəkkür edirəm. Onun göstərdiyi iradəni çox yüksək dəyərləndirirəm. Baş nazir Netanyahunun telefon açaraq üzr istəməsi yalnız Obamanın səyləri nəticəsində ola bilərdi"- deyib.
"Mən baş nazir olandan sonra Fətullah Gülənlə görüşməmişəm. Telefonla danışmışam. Bələdiyyə başqanı olanda görüşlərim olmuşdu. İlk iki müddətdə münasibətlər normal idi. Əslində problem 2010 konstitusiya referendumundan sonra başladı. Orada güc qazanmaq məsələsi var idi. Bir çox fərqli yönlərə sızmağa çalışdıqlarının fərqinə varmışdım. Amma pis niyyətlərinin fərqində deyildim. Sonra bunu da hiss etdim. Qarşısını almağa başladım.
17-25 dekabr... Bunlar son idi. Bu zərbə idi, bir zərbə cəhdi idi. Əgər mən xaricdən gələndən sonra bu hadisələrə səs çıxarmasaydım hər şey başqa cür olardı. Ofisimə dinləmə çihazı yerləşdirmişdilər, nazirləri dinləmişdilər. Bunları dinləyən insanların vətənpərvərliyindən danışa bilərsinizmi? Bunu təşkilat olaraq görürəm"- Ərdoğan bildirib.
"ABŞ-dan gözlədikləriniz nədir" sualına Ərdoğan "Bunları ölkəsindən çıxarmasını. Mən ABŞ-ın təhlükəsizliyini təhdid edən birinə qarşı necə hərəkət edərəmsə, ABŞ-dan da onu gözləyirəm"- cavabını verib.
Jurnalistin "ABŞ Fətullah Güləni təhvil verəcəkmi" sualına isə Ərdoğan "Ümid edirəm ki, verəcək. Ən azı deportasiya etməlidir"- deyib.
Krım məsələsinə toxunan Ərdoğan "Putinlə bir birimizə qarşılıqlı sevgi və hörmətimiz var. Krımla bağlı söhbətimizdə Putinə bu elədiklərinin yanlış olduğunu söylədim"- deyib.
.jpeg)
