Rəcəb Tayyib Ərdoğan: “ABŞ o zatı təslim etsin!”

Xeberinfo.com:   Məlumata görə, Türkiyə prezidenti Rəcəb Tayyib Ərdoğan bir az əvvəl sərt açıqlamalar verib. Ərdoğan:“Biz bu ölkəni 3-5 terroristə təslim etməyəcəyik. ABŞ bu cəhdi həyata keçirən Fətullah Güləni təslim etməlidir” deyə açıqlama verib.

Ərdoğan çıxışında çevriliş cəhdinin qarşısının alındığını, millətin çevrilişçiləri məğlub etdiyini deyib. Türkiyə prezidenti hərbi çevriliş cəhdinin arxasında Fətullah Gülənin dayandığını bildirib. “Türkiyə bu “paralelçilərdən” çox çəkdi” –Ərdoğan vurğulayıb.

Ərdoğan deyib ki, o, ABŞ prezidenti Barak Obamaya müraciət edərək “Pensilvaniyada, 400 hektarlıq ərazidəki iqamətgahında oturub Türkiyəni qarışdıran “örgüt liderini” ya deportasiya etməyə, ya Türkiyəyə təhvil verməyə çağırmışdı. “Mən bunların çevriliş planlaşdırdıqlarını demişdim, ancaq sözümü dinləmədilər. İndi bir daha ABŞ-a, onun prezidentinə müraciət edirəm-Pensilvaniyadakı o zatı Türkiyəyə təslim edin”-Ərdoğan bildirib

Xatırladaq ki, Fəthullah Gülənin Türkiyəyə verilməsinə dair ABŞ xarici işlər naziri Con Kerri açıqlama verib: “Dəlilləri təqdim edin” deyib.