Bu gün Yerevanda silahlı qruplaşmanın girov götürdüyü sonuncu iki yüksəkrütbəli polis – Vardan Egiazaryan və Valery Osipyan da azadlığa buraxılıb.

Xeberinfo.com:  Günün birinci yarısında isə daha iki nəfər azad edilmişdi.

Silahlılar Yerevandakı Erebuni rayon polis idarəsinə iyulun 17-də hücum etmişdilər. Onlar həbsdə olan keçmiş səhra komandiri Zhirayr Sefilyan-ın buraxılmasını tələb edirdilər.

***

Yerevanda silahlı şəxslərin ələ keçirdiyi polis binası yanında 24 saatlıq mətbuat mərkəzi neytral zonada yaradılmalıdır.

Bunu hakimiyyətlə silahlı qruplaşma arasında vasitəçilik edən Vitali Balasanyan deyib.

Onun sözlərinə görə, bundan sonra qalan iki girov – polis general-mayoru Vartan Yeqiazaryan və polis polkovniki Valeri Osipyan – azad ediləcək.

Qeyd edək ki, iyulun 17-də bir qrup silahlı şəxs İrəvanda Daxili Qoşunların və polisin binasını ələ keçirib. Onlar müxalif “Təsis parlamenti” vətəndaş təşəbbüsünün əlaqələndiricisi olan Jirayr Sefilyanın azadlığa buraxılmasını tələb edirlər.

azadliq.info