AZ
RU
“Dolların 2 illik “rallisinin” gücü tükənir”
Xeberinfo.com: ABŞ Mərkəzi Bankı Fedin keçmiş sədri Ben S. Bernanke, Çərşənbə Axşamı günü Honq Konqdaki Asiya Maliyyə Forumunda verdiyi açıqlamada, “Dollarlarda potensial dəyər artımının çoxu reallaşmış ola bilər, daha artığını görməyə bilərik” deyib.
Bernanke, dolların daha çox dəyər qazanmasının Fedin sərt pul siyasətinin sürətinə bağlı olduğunu deyib.
Ötən iki ildə, Avropa və Yaponiya mərkəz banklarının ekspansionist siyasətlərinə baxmayaraq Fedin faiz dərəcələrini artıracağına dair fərziyyələr ilə dollar 16 böyük pul vahidi qarşısında “ralli” etmişdi (dəyər qazanıb). Fed 10 il sonra ilk dəfə ötən ilin Dekabr ayında faiz artırdı.
Bloomberg Dollar Spot İndeksi bu gün 1251.98 punkt səviyyəsində olub. Bu səviyyə son 11 ilin ən yüksək nöqtəsidir. İndeks, 2014-cü ilin əvvəlindən bu yana 23 faiz dəyər qazanıb.
