Suriya prezidenti Bəşər Əsədin vəzifədən gedəcəyi vaxt açıqlanıb.

Xeberinfo.com:   Rusiya KİV-nə istinadən məlumata görə, Amerika hökuməti Əsədin 2017-ci ilin mart ayından sonra istefaya getməsini planlaşdırıb. Bu barədə ABŞ-ın Suriya krizisi ilə məşğul olan nümayəndələrinin hazırladığı qətnamədə bildirilir.

Sənəddə Suriya prezidentinin hansı şəraitdə öz postunu tərk edəcəyi və bundan sonra nə ilə məşğul olacağı haqda məlumat yoxdur.

Analitiklərin qeydinə görə, Suriyada siyasi keçid dövrü bu ilin fevral ayında başlayacaq və 18 ay davam edəcək. Əsədin nümayəndələri ilə müxalifət arasındakı danışıqlardan sonra apreldə Təhlükəsizlik Komitəsi yaradılacaq. Onu hökumət üzvləri və hərbçilər, eləcə də müxalifətin həlak olmuş üzvləri və döyüşçülər formalaşdıracaq. Bundan sonra ölkə müvəqqəti idarə-üsuluna keçəcək.

Mayda Suriya parlamenti buraxılacaq. Növbəti 6 ay ərzində, yəni 2016-cı ilin noyabrına qədər yeni Konstitusiya layihəsi hazırlanacaq. Suriya xalqı bu sənədlə bağlı fikirlərini 2017-ci ilin yanvarında keçiriləcək referendum zamanı söyləyə biləcək. Mart ayında isə Bəşər Əsədin ailə üzvləri ilə birlikdə idarəçilikdən uzaqlaşdırılması nəzərdə tutulub.