AZ
RU
“Əsədin devrilməsində bəzi ərəb dövlətləri də maraqlıdır” -Zərdüşt Əlizadə
“Əsədin devrilməsində ABŞ, İsrail kimi dövlətlərlə yanaşı, Səudiyyə Ərəbistanı, Qətər kimi dövlətlər də mövcuddur”.
Yenixeber.org: Bunu Moderator.az-a açıqlamasında politoloq Zərdüşt Əlizadə bildirib. Onun sözlərinə görə, adıçəkilən dövlətlərin hər birinin Suriya ilə bağlı öz planı mövcuddur:
“Şübhəsiz ki, yuxarıda adıçəkilən dövlətlərin hər biri Suriya ilə bağlı öz planını həyata keçirməyə çalışır. Lakin bunun üçün öncə Əsədin devrilməsi, Suriya məsələsində nəzarətin ələ alınması lazımdır. Odur ki, ABŞ-ın Suriyaya hərbi müdaxiləsi yalnız İsrail üçün deyil, bəzi ərəb dövlətləri üçün də arzuediləndir. Bu səbəbdən də Suriyadakı mürəkkəb vəziyyətə yalnız ABŞ-Rusiya qarşıdurması konteksindən baxmaq olmaz. İran, Türkiyə kimi dövlətlərin də Suriya ilə bağlı müəyyən maraqları mövcuddur.
Bu baxımdan, Suriyada yaxın gələcəkdə vəziyyətin daha da gərginləşməsi mümkündür. Və heç şübhəsiz ki, baş verənlərdən ən çox itirən Suriya dövləti, Suriya xalqı olacaq”.
(5).jpeg)
