Xeberinfo.com:   Xarici KİV-ə istinadla xəbərə görə, Türkiyənin baş naziri Binəli Yıldırım deyib ki, Suriyanın prezidenti Bəşər Əsədin perspektivi yoxdur. «Suriya prezidenti Bəşər Əsəd Suriyada keçid mərhələsində iştirak edə bilər, amma uzunmüddətli pespektivdə o, ölkənin rəhbərliyində qala bilməz» – deyə, Binəli Yıldırım jurnalistlərə bəyan edib.
Baş nazir qeyd edib ki, Birləşmiş Ştatlar anlayır, Rusiya da anlayır ki, Əsəd ölkə əhalisini bir yerə yığa biləcək adam deyil.
«Keçid mərhələsində danışıqlar ola bilər (Əsədin iştirakı ilə). Amma biz hesab edirik ki, gələcək Suriyada nə «kürd üsyançıları», nə İŞİD, nə də Əsəd ola bilməz» – deyə, Yıldırım əlavə edib.
Çıxışı zamanı Türkiyənin baş naziri onu da qeyd edib ki, yaxın 6 ayda Ankara Suriya münaqişəsinin tənzimlənməsində öz iştirakını fəallaşdıracaq, eyni zamanda guya, Rusiyanın İncirlikdən istifadə etmək niyyəti barədə yayılan xəbərləri də təkzib edib:«Düşünmürəm ki, onların İncikdən istifadəyə ehtiyacı olsun. Çünki artıq onların Suriyada iki bazası var».