AZ
RU
"Türkiyə bizi məyus etdi"
Könüllü əsgərlərdən ibarət "Aydar" taborunun qurucusu və millət vəkili Sergey Melniçuk, Krım uğrunda mübarizənin davam edəcəyini bildirib və Türkiyənin Krım siyasətindən narazılığını dilə gətirib.
"Xeberinfo.com": Məlumata görə, o, ixtilaf və hərbi gərginliyin davam edəcəyini düşündüyünü və bu müddətdə mübarizələrini davam etdirəcəklərini də bəyan edib: "İxtilafların və hərbi gərginliyin davam edəcəyini düşünürük. Biz də savaşmağa davam edəcəyik. Silah dəstəyinə ehtiyacımız var. Yalnız o zaman biz rus təcavüzkarlara qarşı bərabər şəraitdə döyüşmə imkanına sahib olacağıq".
Melniçuk, Türkiyənin Krım siyasətinə də toxunub: "Aydındır ki, biz Krımın ilhaq edilməsinin nəticəsi olaraq, Türkiyənin, Rusiyaya qarşı daha aqressiv bir siyasət sərgiləməsini gözləyirdik. Çünki Krım tatarları ilə türklər eyni kökdən gəlirlər. Mən bu düşüncələrlə Türkiyənin Krım tatarlarını dəstəkləyəcəyini sanmışdım, amma görürəm ki, yanılmışam. Könülümüz, Türkiyənin Krım tatarlarına dəstək olmasını istəyərdi", deyə Melniçuk bildirib.
azadliq.info
