Baş Dövlət Yol Polisi İdarəsinin tabeliyində fəaliyyət göstərən (Meyvəli bazarının yaxınlığındakı) texniki baxış şöbəsinə Qoşqar Tofiq oğlu Zeynalov rəhbərlik edir və eyni zamanda bu şəxs, BDYPİ-nin rəisi, polis general-mayoru Ramiz Zeynalovun da qardaşı oğludur. Qeyd edək ki, Qoşqar Zeynalov həm də uzun iillər ərzində Tovuz RİH -nin başçısı vəzifəsini daşımış Tofiq Zeynalovun oğludur.

Yenixeber.org: Əmisi, hansı ki, polis general-mayoru olan Ramiz Zeynalovun sayəsində strateji sahələrdən birinə rəhbərlik edən Qoşqar Zeynalov, xeyli vaxtdır ki, nəinki daşıdığı vəzifəsini yerinə yetirməklə məşğul olur, eyni zamanda o, sərmayəçisi olduğu ,,Altay Q.Z'' MMC-yə də rəhbərlik edir. Düzdür, bu şəxs "Altay Q.Z" MMC- də idarəçiliyi 1994-cü il təvəllüdlü olan qaynı Müzəffər Sanıyevə həvalə etsə də, əslində ,,Mutlu'' toyuqlarının istehsalı ilə məşğul olan bu MMC-də idarəçilik tam şəkildə onun özü tərəfindən həyata keçirilir. Amma necə? Elə bu necəliyin nəticəsidir ki, hal-hazırda tam əksəriyyət "Altay Q. Z" MMC-də baş verən həngamələrdən bəhs edir, bu yöndə geninə-boluna müzakirələr aparılır. Bu haqda məlumatları gundemxeber.az-a çatdıran Elnur Qəhrəmanov adlı şəxs qeyd edir ki, "Altay Q.Z" MMC-də elə bir formada idarəçilik həyata keçirilir ki, baş verənlər haqda məlumatlı olan hər kəs şoka deyil, sanki "şöşə"yə düşməli olur. Məsələn, məni 2022-ci ilin dekabr ayında bu MMC-də işə götürdülər və 2023-cü ilin yanvar ayında rəsmi sənədləşmə işləri aparıldı və həmin vaxtdan da satış təmsilçisi olaraq işə başladım. 2023-cü ilin iyun ayının sonuna qədər "Altay Q.Z" MMC-də rəsmi qaydada çalışsam da, iyun ayında heç bir halda xəbərim olmadan məni işdən çıxarırlar və həmin ilin dekabr ayına qədər qeyri-qanuni işlədirlər. Üzüzə qaldığım olay bu MMC-də baş verən həngamələrin yalnız mindən biridir. Əgər bu ünvanda lazımi  yoxlamalar aparılarsa, yəqin ki, o halda "Altay Q.Z" MMC-nin fəaliyyəti birdəfəlik qadağan olunar. Çünki, bu MMC-də əmək qanunvericiliyinin tələblərinə əməl olunmur və belə bir səbəbdən də, məhz bu ünvanda vergidən yayınma hallarına yollar açılır". Yazıda qeyd olunanlarla bağlı qarşı tərəfin də mövqeyini dinləyə bilərik.(GundemXeber)
Mövzu diqqətimizdədir.