AZ
RU
İran irimiqyaslı hava əməliyyatına hazırlaşır -İŞİD-ə qarşı
İran Hərbi Hava Qüvvələri iyunun 7-də Tehranda törədilən terror hadisəsi ilə bağlı son 30 ildə ilk dəfə olaraq irimiqyaslı hərbi əməliyyatlara başlayacaq.
Yenixeber.org: Türkiyə mətbuatına istinadən xəbərə görə, bu haqda İran Ordusunun Baş Qərargah rəisi Əli Bakıri mətbuata açıqlamasında belə deyib.
Belə ki, hazırda 37 ədəd “Phantom” və 45 ədəd “Sukhoi” tipli təyyarə son 30 ildə ilk dəfə olaraq İŞİD-ə qarşı irimiqyaslı hava əməliyyatına başlamaq üçün döyüş vəziyyətinə gətirilib.
Artıq İŞİD-in bölgədəki dayaq məntəqələrini təsbit etmək üçün hərəkətə keçdiklərini deyən Əli Bakıri bildirib ki, terrorçular tezliklə İranın sərt üzünü görəcəklər.
Qeyd edək ki, iyunun 7-də bir neçə nəfərdən ibarət İŞİD silahlıları Ayətullah Xomeyninin məqbərəsinə və İran parlamentinə hücum edib. Hücumlar nəticəsində 12 nəfər ölüb, 42 nəfər isə yaralanıb.
