AZ
RU
"Heç bir düşmən İran xalqını iflic edə bilməz" -İranın ali dini liderindən Trampa cavab
“İran xalqı heç bir təhdiddən qorxmur”.
Xeberinfo.com: Türkiyə mətbuatına istinadən xəbərə görə, bunu İranın ali dini lideri Ayətullah Seyid Əli Xamenei deyib.
“30 ildir ABŞ hakimiyyətinin siyasi, iqtisadi, əxlaqi və ictimai pozğunluqları haqqında dediklərimizi bu cənab (Tramp-red)həm seçkilər dövründə, həm də seçkilərdən sonra açıq şəkildə göstərib”.
Ayətullah Seyid Əli Xamenei ABŞ-ın yeni prezidenti D. Trampın “Obamaya təşəkkür edin” sözlərinə cavabımda deyib: “Nəyə görə təşəkkür etməliyik? İrana qarşı sanksiyalar tətbiq etdiyinə ya İŞİD-ə görə? Bəlkə İraq və Suriyanı alovlandırdığına görə? Yoxsa 2009-cu il prezident seçkilərində fitnəkarları dəstəklədiyinə görə? Məhz Obama İran xalqını iflic etmək məqsədi ilə sanksiyaları tətbiq etdi. Əlbəttə ki, o, istəyinə çatmadı. Heç bir düşmən İran xalqını iflic edə bilməz”, - deyə o vurğulayıb.
