Azərbaycan ağır atletika üzrə qadınlardan ibarət yığma komandasında qalmaqal baş verib.

Yenixeber.org:  BAKU.WS xəbər verir ki, İslamiadada ölkəmizi təmsil etməyə hazırlaşan ağır atlet planları alt-üst edib. Belə ki, komandanın yeniyetmə üzvlərindən biri Goranboy rayonundan olan Xumar Məmmədova məşqlərə hamiləliyini gizlədərək qatılırmış. 7-8 aylıq hamilə atletin “sirri”nin üstü 2 gün öncə açılıb. Bundan sonra idmançı komandadan xaric edilib.

Federasiya isə baş məşqçi Natali Prişepanın belə diqqətsizliynə görə izahat alıb. Bir ehtimal da var ki, İslamiadadan sonra qadınlardan ibarət millinin baş məşqçisi komandadan qovula bilər. Digər məlumatda o da bildirilir ki, Federasiya rəhbərliyi məsələdə idmançının şəxsi məşqisi Kərim Kərimlidən şübhələnir. Yəni uşağın atası idmançının şəxsi məşqçisidir.

***

Yeniçağ.Az-a açıqlama verən Kərim Kərimli sonuncu iddia ilə razılaşmayıb. O, məsələyə belə münasibət bildirib:

“Mən heç kimin şəxsi həyatına qarışa bilmərəm. Amma mənim adımın hallanması böyük bir şərəfsizlikdir, ləyaqətsizlikdir. Qadınlardan ibarət millimizin məşqçisinin mənə verdiyi məlumata görə, o, hər axşam telefonla danışırmış. Mənə dedi ki, hər gün telefonla danışır. Cavab olaraq dedim ki, mən nə bilim kimlə danışır? 10-15 gün qabaq bilmişəm ki, belə bir məsələ var. Mən də dedim ki, rədd edin getsin. Onu da həmin vaxt rayona yola saldılar. Bəli, hamilə olub. Ona rayonda məşq keçmişəm. Bir ildən çoxdu ki, Xumarı görmürəm. Kiminsə şəxsi həyatına qarışa bilmərəm. Gedib camaatın qarnını güdməyəcəm ki, onun qarnında uşaq var, yoxsa yox. Xəbəri yazan saytların adını yazıb götürmüşəm. Uşaq dünyaya gələndən sonra onlara təzminat ödətdirəcəm. Bu, elə-belə iş deyil. Xumar nəvəm yaşındadı”.