“Ya silahlarını təhvil versinlər, ya da Türkiyəni tərk etsinlər” -Türkiyə prezidenti
Türkiyə prezidenti Rəcəb Tayyib Ərdoğan Mardində keçirilən mitinqdə terrorçulara xəbərdarlıq edib.
Yenixeber.org: Türkiyə mediasına istinadən xəbərə görə, prezident qeyd edib ki, Türkiyə 80 milyon vətəndaşının hər birinin dövlətidir: “Ölkəmizin problemləri müzakirə edərək, danışaraq həll etmək üçün uzatdığı əli qırmaq istəyən qüvvələr isə məhvə məhkumdurlar. Ölkənin təhlükəsizlik qüvvələri fasiləsiz olaraq terrorizmlə mübarizə aparırlar. Türkiyədə hansı təşkilata aid olmasından asılı olmayaraq heç bir terrorçuya rahatlıq yoxdur. Ya onlar səhv yoldan qayıdıb silahlarını təhvil versinlər, ya da Türkiyəni tərk etsinlər. Əks halda ordu, polis onları yaxalayaraq məhv edəcəklər".