Türkiyədə aprelin 16-da keçiriləcək referendumla bağlı İstanbulda “bəli” və “xeyr” çadırları təşkil olunub.

Yenixeber.org: “Hurriyet”ə istinadən məlumata görə, prezident Rəcəb Tayyib Ərdoğan İstanbulun Sarıyer rayonunda müxalif CHP tərəfindən qurulan “xeyr” çadırına baş çəkərək oradakı insanlardan referenduma niyə razı olmadıqlarını soruşub.

“İstanbulda “bəli” çadırını ziyarət etdikdən sonra “xeyr” çadırına da baş çəkdim. Ordakılarla görüşdüm. Onlara “Nə üçün yox deyirsiniz, mənə bunu deyə bilərsiniz?” deyə sual ünvanladım. Dedilər ki, “Biz müasir bir Türkiyə istəyirik”.

“Hazırda müasir Türkiyə yoxdur? Nəyiniz əskikdir? Yollarımız, körpülərimiz, sürətli qatarlarımız, məktəblərimiz yoxdurmu? 14 il öncə bunlar var idi?” deyə soruşdum.

Mənə isə cavab olaraq bildirdilər ki, “Siz “Yavuz Sultan Səlim Körpüsü”nün adını niyə “Yavuz Sultan Səlim” kimi dəyişdirdiniz?”.

Bundan əlavə məni sünnilərlə şiələri ayırmaqda ittiham edirlər: “Biz belə bir ayrıseçkilik etməmişik. Cənab Kılıçdaroğlu şiədir və siyasi partiyanın rəhbəridir”.