AZ
RU
İcra başçıları arasında savaş:Zakir Fərəcovun "B" planı nədir?
Sumqayıt şəhər İcra Hakimiyyətinin başçısı Zakir Fərəcovla Abşeron rayon icra hakimiyyətinin başçısı İradə Gülməmmədova arasındakı münasibətlər gərginləşib.
Xeberinfo.com: Bu barədə AzToday.az-a daxil olan məlumatda bildirilir ki, İradə Gülməmmədova onu Abşerona icra başçısı təyin etdirən Zakir Fərəcova arxa çevirib. Bu da Sumqayıtın icra başçısını özündən çıxarıb. Mənbə iki icra başçısı arasındakı münasibətlərin kəskinləşməsinin səbəbini İradə Gülməmmədovanın hakimiyyətdə başqa bir qruplaşmanın nəzarətinə keçməsi ilə əlaqələndirib. Onun sözlərinə görə, Zakir Fərəcovla nəyin bahasına olursa olsun, ona arxa çevirən İradə Gülməmmədovanı vəzifəsindən uzaqlaşdırmağa və onun yerinə Abşeron rayon İcra Hakimiyyətində müavin işləyən qohumu Məhəmməd Həsənovu gətirmək istəyir.
Məlumata görə, Zakir Fərəcovun niyyətinin fərqində olan xanım icra başçısı müavini Məhəmməd Həsənovu bütün işlərdən uzaqlaşdıraraq, onun işlərini özünün etibarlı adamlarına tapşırıb. Rayondakı problemlərini yuxarı dairələrə çatdırılmasının qarşısını almaq üçün İradə Gülməmmədova son günlər kənd və qəsəbələrəd səyyar görüşlərə başlayıb. İndiyə kimi kabinetindən kənara çıxmayıb, rayonu idarə edən icra başçısının son günlər əhalinin probelmlərini onların öz dilindən esidib, həll etməyə cəhd etməsi ilginc məqamlardan xəbər verir.
Zakir Fərəcovla İradə Gülməmmədova arasındakı gərginliyi araşdırmaqda davam edirik.
Yazıda adları çəkilən şəxslərin də mövqeyini öyrənməyə hazırıq.
.jpg)
