Bu gün Mədən Sənayesində Şəffaflığın Artırılması Koalisiyasının əlaqələndiricisi vəzifəsinə seçki keçirilib.

"Xeberinfo.com":  Koalisiyadan bizimyol.info saytına verilən məlumata görə, keçirilmiş seçkidə “Konstitusiya” Araşdırmalar Fondunun prezidenti Əliməmməd Nuriyev qəlib gəlib. Bu günə qədər həmin vəzifədə Qubad İbadoğlu fəaliyyət göstərib. Məlumatda o da bildirilir ki, Koalisiyanın MHŞT üzrə Çoxtərəfli Qrupdakı təmsilçiləri də dəyişib.

Qeyd edək ki, MHŞT Koalsiyası Regionun ən böyük QHT birliyidir. MHŞT şirkətlər, hökumətlər, sərmayəçilər və vətəndaş cəmiyyəti təşkilatları tərəfindən dəstəklənən könüllü təşəbbüsdür. MHŞT neft, qaz və mədən hasilatı sahəsində şəffaflığın təmin edilməsində qlobal standartdır. Azərbaycan MHŞT prosesinə 2003-cü ildə qoşulub.

Azərbaycan MHŞT-nin qiymətləndirilməsi prosesindən keçən və MHŞT-nin tamhüquqlu üzvü statusunu alan ilk MHŞT ölkəsidir. MHŞT prinsip və meyarlarına tam cavab verən ölkə olması və MHŞT-nin tətbiqi sahəsində əldə etdiyi nailiyyətlərə görə Azərbaycana "2009-cu il MHŞT mükafatı" təqdim edilib.