AZ
RU
Dünyada koronavirusa yoluxma halları sayı bir gün ərzində demək olar, 85 min artıb və 2,8 milyona çatıb.
Yenixeber.org: Bu barədə Ümumdünya Səhiyyə Təşkilatı (ÜST) bildirib.
Son məlumatlara görə, dünyada bir gün ərzində 84 900 yoluxma və 6 018 ölüm qeydə alınıb. Beləliklə, COVID-19-a yoluxanların ümumi sayı 2 804 796-a çatıb, ölüm hallarının sayı 193 722 təşkil edir.
Yoluxma hallarının əksəriyyəti Avropada qeydə alınıb. Köhnə qitədə 1 341 851 nəfər COVID-19-a yoluxub. Regionda ölüm hallarının sayı 122 218 təşkil edir.
Xatırladaq ki, koronavirus infeksiyası ötən ilin dekabrında Çinin Uhan şəhərində yayılmağa başlayıb. Hazırda virus 210 ölkə və bölgədə qeydə alınıb.
Ümumdünya Səhiyyə Təşkilatı (ÜST) fevralın 11-də infeksiyanın adını COVID-19 qoyub, martın 11-də isə koronavirusu pandemiya elan edib.
.jpg)
